Hoxe foron varios os medios que aproveitando o Día das Mentiras decidiron tentar aos lectores...
Por Galicia Confidencial | Galicia | 01/04/2009
Vieiros ou Chuza foron un exemplo destas bromas que non pasaron desapercibidas para o lector, principalmente, no caso deste último portal que abre cun suposto auto xudicial de peche por "apoloxía do nacismo". A broma estaba tan ben feita que GC case pica e chamou o impulsor de Chuza para ver o que pasaba.
Berto Yáñez suliñou que non é a primeira vez que fan bromas aproveitando o día das inocentadas e inscribiu esta nas últimas polémicas aparecidas no seu portal en torno ao nacismo. "Todo é ficticio, nomes incluídos", apuntou para salientar que este tipo de inocentadas ten coma fin aumentar a interactividade co lector. A broma estaba tan ben feita que outros medios, coma EFE ou La Voz, acabaron picando, aínda que rectificaron pronto.