GC :: O Movimento Ecologista Galego integrase no Partido da Terra

O primeiro partido ambientalista galego integrouse no PT. Foi a primeira formación en incluír a a defensa das posicións reintegracionaista nos seus textos fundacionais.

Esta semana foi asinado un Acordo entre o partido Movimento Ecologista Galego (M.E.G.) e o Partido da Terra entre o presidente do M.E.G., Constantino Rábade Castinheira, e o Secretário Geral do PT, Joám Evans Pim. Neste acordo consideran que “os princípios teóricos, políticos e ideológicos do Movimento Ecologista Galego se encontram hoje refletidos no Partido da Terra, organização dinâmica que desde a sua fundação em julho de 2011 vem somando esforços procedentes do ativismo ambiental, cultural e linguístico”.

Fundado en 1982 e rexistrado em marzo de 1983, o partido Movimento Ecologista Galego foi a primeira organización política galega de caráter ecoloxista e un dos primeiros partidos verdes no estado español.

Definido como sócio-ecoloxista, o M.E.G. tivo como inspiración imediata o establecimento de Os Verdes na Alemaña en 1980. O M.E.G. foi ainda o primeiro partido galego a incluir a defensa do posicionamento reintegracionista nos seus textos fundacionais, reclamando a potencialidade de Galicia como “bisagra estratégica, que nos permite conviver e comunicarmo-nos com duas importantes comunidades: a hispanoparlante, que engloba uns 400 milhões de pessoas; e a galego-luso-afro-brasileira, que conta com aproximadamente 170 milhões de falantes”. A Declaração Política do M.E.G. insistía aínda na importancia destes vínculos, pois “facilitam um importante relacionamento socioeconómico, político e cultural”.