Podemos Galicia non ve necesarios ministros galegos como condición para investir a Pedro Sánchez

Destaca que "o fundamental" é que Galicia estea representada na axenda política dun "Executivo de coalición, plural e progresista".

Por Europa Press / Redacción | SANTIAGO DE COMPOSTELA | 21/07/2019 | Actualizada ás 13:08

Comparte esta noticia

O secretario xeral de Podemos Galicia, Antón Gómez-Reino, asegurou que a presenza de nomes galegos entre o Consello de Ministros non suporá unha "liña vermella" nin unha "posición de máximos" á hora de formar Goberno, senón que o grupo se debe mostrar "flexible".

Podemos Galicia nunha xornada aberta
Podemos Galicia nunha xornada aberta | Fonte: Europa Press

A xuízo de Gómez-Reino, que acudiu este domingo a unha xornada aberta de Podemos Galicia en Santiago, a "axenda galega do cambio" leva catro anos sobre a mesa do Congreso dos Deputados e agora resulta "esencial" que as demandas de Galicia estean representadas no Consello de Ministros e nas "diferentes formas de construción de Goberno" que se abordan nesta investidura.

Neste sentido, para o líder da formación a nivel galego, "o fundamental" é que Galicia estea dentro da axenda política dun "Goberno de coalición, plural e progresista" que cumpra co "mandato da cidadanía" que se reflectiu o pasado 28 de abril nas urnas.

Respecto diso, Gómez-Reino sinalou que Podemos "está a facilitar ese acordo" que non só obedece ao resultado das últimas eleccións xerais, senón que atende ao que manifestaron as bases da formación e á enquisa do Centro de Investigaciones Sociológicas (CIS). "Hai que traballar para que se cumpra co mandato da xente canto antes" e facelo con "calma, meticulosidade e paciencia", engadiu.

Ademais, a formación morada destaca que o "máis importante" para o grupo é conseguir que haxa un "Goberno que aborde" os asuntos "en materia social" e que responda "as problemáticas que teñen a maioría dos pobos do estado español".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 6 comentarios

4 Gamela

Outro apampanado pola verborrea de Yolanda Díaz (apostamos que ela pilla cacho?) Aquí en Galicia os únicos que medraron foron os de EU (Yolanda - Eva Solla - Rubén Pérez) semella que o resto para o único que serven é para poñer os votos! https://flic.kr/p/2ggUgHt

3 Redeiro

O nivel de entreguismo e vendepatrias destes madrilegos nunca deixará de me sorprender.

2 Faraldo

Non creo que comparta esa opinión Yoli Procesiones ¡¡¡

1 Pitito

Vamos, que queren colocar a Iolanda Diaz, a protexida no seu de Beiras. Pobre Galiza!!

1 Francisco Toirán

O BNGOE está dignamente representado no Parlamento español. Tampouco esaxeremos.

2 RAMIRO DE YOLI

Chámase YOLANDA, non Iolanda