Los Planetas, Nacho Vegas e Love of Lesbian, protagonistas da xornada no Atlantic Fest

Los Planetas, Nacho Vegas e Love of Lesbian son os protagonistas da xornada do sábado no Atlantic Fest, unha cita que reúne este fin de semana na Illa de Arousa a unhas 5.000 persoas. O evento enmárcase nos #FestivaisRíasBaixas que promove a Deputación de Pontevedra e que conta co patrocinio da Xunta -a través de FEST Galicia-.

Tras arrincar o pasado venres cos concertos da Zowi ou Albany, o festival encara a súa xornada 'grande' antes de despedirse ata unha nova edición cos concertos en sesión matinal de Victor Coyote e Los Jinetes del Trópico, previstos para a mañá do domingo.

Imaxe aérea da Illa de Arousa durante a celebración do Atlantic Fest. ATLANTIC FEST