Buscan a un menor de 16 anos desaparecido desde o sábado en Ourense
O rapaz non se presentou ao centro de menores no que estaba interno.
Por Europa Press / Redacción | SANTIAGO DE COMPOSTELA | 30/07/2019 | Actualizada ás 14:50
A Policía Nacional busca a Isaac Rodríguez Nogueira, un menor de 16 anos que permanece en paradoiro descoñecido desde o sábado, cando tiña que regresar ao centro de menores no que estaba interno, en Ourense.
Segundo informaron fontes da Policía Nacional a Europa Press, non se trata dun caso de desaparición, senón dunha ausencia voluntaria por parte do menor que, inciden, xa ocorrera en anteriores ocasións.
No entanto, a Asociación SOS Desaparecidos activou a alerta a través da súa conta de Twitter, na que publicou unha foto e descríbeo como un mozo de complexión normal, con 1,72 metros de estatura, 57 quilos de peso, pelo castaño e ollos negros.
