Por E.P. | SANTIAGO DE COMPOSTELA | 02/08/2019 | Actualizada ás 19:40
A Sala do Social do Tribunal Superior de Xustiza de Galicia (TSXG) determinou que a Fundación Monte do Gozo, promotora dos programas terapéuticos de rehabilitación de toxicómanos Proxecto Home, incorreu nun "comportamento antisindical" contra CC.OO.
Na sentenza, con data 23 de xullo, a Sala do Social do TSXG estima en parte a demanda de tutela da liberdade sindical formulada polo sindicato CC.OO. ao determinar que a Fundación Monte do Gozo incorreu en "discriminación respecto dos traballadores próximos e/ou afiliados ao sindicato".
Por iso, condena á promotora de Proxecto Home "ao cesamento inmediato de tal comportamento antisindical" e a abonar a CC.OO. unha indemnización de 15.000 euros por "danos morais provocados ao mesmo pola súa conduta antisindical". Contra esta sentenza poderase interpor recurso de casación ante o Tribunal Supremo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.