A ocupación no sector crece un 3,9% en Galicia no segundo trimestre, sobre todo en autónomos

Por E.P. | SANTIAGO DE COMPOSTELA | 06/08/2019 | Actualizada ás 14:36

Comparte esta noticia

A ocupación no sector turístico creceu un 3,9% en Galicia no segundo trimestre en relación co mesmo período do ano anterior, ata un total de 127.595 empregados, de acordo cos datos que publica este martes o Ministerio de Industria, Comercio e Turismo.

A titular deste departamento, Reyes Maroto, adiantou estes datos este luns durante a súa visita a Santiago, onde valorou os "bos datos dun sector que se reflicten na creación de emprego e riqueza".

Do total de 127.595 ocupados, 94.988 son asalariados (o que representa un incremento do 1,1% respecto ao segundo trimestre de 2018) e 32.607, autónomos (un 12,9% máis).

DATOS ESTATAIS

No conxunto estatal, o emprego vinculado ás actividades turísticas aumentou un 1,5% durante o segundo trimestre (abril-xuño), ata superar os 2,69 millóns de traballadores, o que supón 39.538 empregados máis que no mesmo período de 2018, o nivel máis alto da serie histórica, segundo os datos da Enquisa de Poboación Activa (EPA) difundidos por Turespaña. O dato supera en máis de 75.000 ocupados os niveis previos á crise.

Ordenador dun raballador autónomo XUNTA - Arquivo
Ordenador dun raballador autónomo XUNTA - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta