Por E.P. | A CORUÑA | 06/08/2019 | Actualizada ás 19:16
A Consellería de Infraestruturas e Mobilidade, a través da Dirección Xeral de Mobilidade, convocou ao Concello da Coruña e a Adif para abordar "a situación actual e as previsións de cada administración nas actuacións levadas a cabo cara ao desenvolvemento da estación intermodal da Coruña".
O encontro, para o que se propón o vindeiro venres, terá un perfil "eminentemente técnico", precisa nun comunicado. "E o seu obxectivo será compartir os avances logrados por cada unha das partes implicadas, así como coñecer os cronogramas cos que traballa cada unha delas".
Respecto diso, lembra que o departamento de Infraestruturas da Xunta ten en redacción o novo proxecto básico e de execución da terminal de autobuses, cun investimento de máis de 291.000 euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.