Por E.P. | | 08/08/2019 | Actualizada ás 19:47
O Destacamento da Agrupación de Tráfico da Garda Civil de Ferrol mantén en condición de investigado a un condutor como presunto autor de dous delitos contra a seguridade viaria, tras circular en zig-zag pola autoestrada AP-9, segundo informa a Benemérita.
O operativo púxose en marcha por mor das numerosas chamadas recibidas na Central de Servizo da Agrupación de Tráfico da Coruña (COTA), alertando da presenza dun vehículo na autoestrada AP-9, realizando manobras irregulares.
Os operadores de COTA alertaron inmediatamente a todas as patrullas do Corpo que se atopaban de servizo na zona, ás Policías Locais próximas á mesma e ao servizo de mantemento da citada vía, ao obxecto de localizar e deter o vehículo. O turismo foi detectado por unha patrulla do Destacamento de Ferrol, desprazada á zona para colaborar na procura.
Unha vez localizado, situáronse detrás do mesmo, "observando como este desprazábase en zig-zag sen ningún tipo de sinalización nin coherencia, invadindo toda a plataforma do seu sentido de circulación".
"Ante o perigo que esta condución representaba para el e o resto dos usuarios, os gardas civís decidiron formar unha cápsula de seguridade entre este vehículo e o resto, retardando a circulación detrás do vehículo oficial co obxecto de evitar calquera incidencia", engade a Benemérita nun comunicado.
PROBA DE ALCOHOLEMIA
Posteriormente, os axentes interceptaron o turismo, decidindo retirar o mesmo da autoestrada conducido por un dos gardas civís e derivalo á N-V onde procederon á deter o coche nun lugar seguro, cominando ao condutor a apearse do vehículo. Ao facelo, tropezou co bordo da beirarrúa, provocándose feridas as mans e na fronte.
Unha vez trasladado ao Complexo Hospitalario Universitario da Coruña (Chuac) e efectuads as curas, indicóuselle que debía someterse á realización das probas de detección do consumo de bebidas alcohólicas, ao que o investigado negouse. Nese momento os gardas civís informáronlle de que a negativa á súa realización está tipificada como delito, reiterando este que non a realizaría.
A Garda Civil procedeu á súa investigación como presunto autor dun delito por condución baixo a influencia de bebidas alcohólicas e outro por negativa á realización das probas de detección de consumo das mesmas. O investigado foi posto a disposición do Xulgado de Instrución de Garda da Coruña.
RESCATE EN BOIRO
Un operario tivo que ser rescatado en Boiro ao precipitarse por un terraplén mentres cortaba leña. Na caída, o tronco dunha árbore golpeou unha das súas pernas, o que lle impedía abandonar o lugar polos seus propios medios.
O 112 foi alertado do suceso ás 14,00 horas, pola chamada dun compañeiro que solicitaba asistencia médica urxente para o traballador ferido no fondo dun terraplén. Foi solicitada a intervención dos Bombeiros de Boiro e de Ribeira para poder acceder ao operario.
Unha vez no lugar do accidente, os membros do Servizo de Prevención Extinción de Incendios e Salvamento realizaron o rescate coa axuda dunha padiola especial e achegárono ata unha ambulancia dos servizos sanitarios que se atopaba no punto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.