Denuncian "complicidade" de Afundación no despedimento de tres vixiantes de seguridade en Ourense
Unhas 70 persoas concentráronse este luns ás portas do edificio Sevilla de Ourense para denunciar a "complicidade" de Afundación no despedimento de tres vixiantes de seguridade.
Por E.P. | SANTIAGO DE COMPOSTELA | 12/08/2019 | Actualizada ás 13:32
Convocadas pola federación de traballadores de seguridade privada do sindicato USO, o seu secretario xeral, Gerardo Román, destacou que pediron "comprensión" por este "tres familias" que desde o pasado 31 de xullo xa non traballan para a empresa Prosegur.
Segundo critica, a causa do despedimento foi o traslado da sede de Afundación e que, co cambio de compañía (de Prosegur a Eulen), os traballadores "non foron subrogados". "Ou unha empresa ou a outra se teñen que facer cargo", advertiu, antes de sinalar que o vindeiro mércores está previsto un acto de conciliación, pero que "Eulen di que non lle corresponde" a subrogación.
E é que, de feito, a federación de traballadores de seguridade privada da central acusa a Afundación de "forzar coa empresa adxudicataria da seguridade do edificio Sevilla a non subrogación dun persoal de vixiantes para aforrarse o sobrecusto das súas antigüidades".
