Por E.P. | SANTIAGO DE COMPOSTELA | 12/08/2019 | Actualizada ás 13:41
As previsións do sector turístico en agosto para Santiago de Compostela auguran unha caída de 7 puntos na ocupación en comparación cos datos de xullo, pero o goberno municipal espera melloralas.
Así o sinalou en rolda de prensa o concelleiro socialista responsable de Turismo, Gumersindo Guinarte, despois de admitir que "o tempo non está a ser o máis atractivo". Guinarte, que indicou que prefire esperar a coñecer os índices de ocupación antes de emitir valoracións, si comentou que, "afortunadamente, as previsións realizadas polas asociacións do sector adoitan verse superadas pola realidade".
Respecto diso, o edil do PSOE lembrou que os datos do mes de xullo superaron en máis de 10 puntos ás previsións, polo que agarda unha situación parecida en agosto a pesar das complicacións meteorolóxicas do verán galego.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.