Teo, Santiago e Arzúa homenaxean a Ánxel Casal cando se cumpren 83 anos do seu asasinato polos franquistas

Foi o último alcalde republicano de Santiago, asasinado nas primeiras semanas do golpe militar de 1936.

Por Europa Press / Redacción | SANTIAGO DE COMPOSTELA | 19/08/2019 | Actualizada ás 19:06

Comparte esta noticia

O Concello de Teo celebra este luns, 19 de agosto, un acto de homenaxe ao político Ánxel Casal, último alcalde republicano de Santiago, coincidindo co 83 aniversario do seu asasinato, nas primeiras semanas do golpe militar de 1936. No acto participan tamén representantes da capital galega e do Concello de Arzúa.

Suárez Ferrín, Ánxel Casal e Xaime Quintanilla, alcaldes da Coruña, Santiago e Ferrol represaliados polo franquismo.
Suárez Ferrín, Ánxel Casal e Xaime Quintanilla, alcaldes da Coruña, Santiago e Ferrol represaliados polo franquismo.

Será a concelleira de Cultura de Teo, Maite Argibay, a encargada de conducir un acto que terá lugar na Estivada da Ribeira, en Cacheiras, onde foi asasinado Casal, e que pretende estender a súa homenaxe a todas as vítimas represaliadas no 36.

Ademais da alcaldesa accidental de Santiago, Mercedes Rosón, e da concelleira de Cultura de Arzúa, Aurora Varela, no acto intervirán o portavoz do BNG de Teo, Manuel Anxo Fernández Baz, e Xosé Luís Santos Cabanas, secretario da asociación A Oliveira de Teo, dedicada á recuperación da memoria histórica. Pechará as intervencións o alcalde de Teo, Rafael Sisto.

Tras escoitar unha peza musical, os presentes realizarán unha ofrenda floral ante o monólito que lembra a figura de Casal no lugar no que apareceu o seu corpo en agosto de 1936.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta