Deteñen en Ferrol un veciño con máis de 96 gramos de haxix

Uns axentes da Garda Civil observaron un individuo que realizaba "movementos estraños", dentro dun vehículo estacionado no aparcadoiro da praia do miradoiro no lugar das Calas-Meiras.

Por E.P. | SANTIAGO DE COMPOSTELA | 20/08/2019 | Actualizada ás 16:27

Comparte esta noticia

A Garda Civil do Posto de San Sadurniño (A Coruña), en colaboración co equipo Roca da Compañía de Ferrol, detivo a un veciño de Ferrol como presunto autor dun delito contra a saúde pública tras serlle intervidos máis de 96 gramos de haxix.

Segundo relatou o Instituto Armado, os feitos sucederon cando efectivos de ambas as unidades realizaban un servizo de vixilancia de praias e zonas turísticas de Ferrolterra, co fin da prevención da seguridade cidadá e evitar posibles delitos de roubos no interior de vehículos.

Durante o transcurso do mesmo, axentes observaron un individuo que realizaba "movementos estraños", relatan as mesmas fontes, no interior dun vehículo estacionado no aparcadoiro da praia do miradoiro no lugar das Calas-Meiras.

A Garda Civil aproximouse ao turismo para comprobar os feitos observados e identificar ao ocupante do turismo, momento no que os efectivos "percibiron un forte cheiro a haxix que procedía do interior do mesmo", indicaron as mesmas fontes.

A Benemérita procedeu ao rexistro do turismo, no que acharon oculto  un envoltorio de plástico en cuxo interior había unha sustancia de cor marrón, supostamente haxix, cun peso de 96,30 gramos.

Os axentes detiveron a este indivudo como presunto autor dun delito contra a saúde pública. Xunto coas actuacións realizadas e a sustancia incautada, foi posto a disposición do xulgado de Instrución de garda de Ferrol.

Detido un veciño de Ferrol por un delito contra a saúde pública.. GARDA CIVIL
Detido un veciño de Ferrol por un delito contra a saúde pública.. GARDA CIVIL | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta