Por E.P. | SANTIAGO DE COMPOSTELA | 20/08/2019 | Actualizada ás 17:21
O presidente da Deputación da Coruña, Valentín González Formoso, destacou este martes "o aumento da seguridade viaria de forma considerable" nunha estrada de titularidade desta administración provincial, a DP-0402, que une o núcleo urbano de Ares (A Coruña) co lugar de Chanteiro tras a reforma da primeira fase.
Segundo comentou, "ata agora era realmente perigosa, tanto para o condutor como para o viandante", e incidiu en que, despois finalizar a primeira fase desta actuación "xa foi aprobada en pleno, por unanimidade, as obras da segunda.
Respecto diso, dixo que se trata dunha obra máis complexa "aínda". "Levaranos ata o núcleo mesmo de Chanteiro e que unha vez realizada suporá un investimento por parte da Deputación superior ao millón e medio de euros", abundou.
Estas manifestacións realizounas Gónzalez Fomoso en Ares, durante unha visita realizada a estas obras e onde estivo acompañado do alcalde de Ares, Julio Iglesias (PSOE) e por representantes da Asociación de Veciños de Chanteiro.
González Formoso detalloulles a estes últimos que en "setembro comezarán as expropiacións para mellorar a seguridade no último quilómetro do viario, para completar a actuación, que pasou de contar cunha carreira de cinco metros de ancho a sete, ademais de contar cunha senda para peóns e ciclistas nun das súas marxes.
NON ESTABA NIN PINTADA
Pola súa banda, o alcalde de Ares, Julio Iglesias, agradeceu "o importante apoio da Deputación para mellorar esta estrada, nun tramo de catro quilómetros no que nin sequera estaba pintada a liña do centro, porque non tiña a anchura suficiente para os dous carrís". "Agora temos unha estrada máis segura, tanto para os coches como para os peóns", engadiu.
Aproveitando a súa presenza neste municipio da comarca de Ferrol, González Formoso realizou tamén unha visita á estrada DP-0401, que une Ares con Redes, onde a Deputación investirá 624.100 euros na construción doutra senda, de algo máis de tres quilómetros, para mellorar a seguridade peonil na zona, moi transitada sobre todo no verán, debido á presenza de varias praias.
O presidente provincial aproveitou para trasladar que o Boletín Oficial da Provincia (BOP) deste mércores, 21 de agosto, publicará o anuncio do levantamento de actas previos para os terreos afectados por esta obra, cuxos propietarios serán citados para o día 10 de setembro no Concello de Ares.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.