Temas: XUNTA CAZA XABARIL

O período de caza do xabaril comeza este sábado e durará un mes máis que o ano pasado

Así consta na resolución publicada o pasado 31 de maio e pola que se determinan as épocas hábiles de caza, as medidas de control por danos e os réximes especiais por especies que rexerán durante a tempada 2019/2020.

Por Europa Press / Redacción | SANTIAGO DE COMPOSTELA | 23/08/2019 | Actualizada ás 18:03

Comparte esta noticia

A tempada oficial de caza para o xabaril abrirase en Galicia este sábado, 24 de agosto, e prolongarase ata o próximo 29 de febreiro, polo que esta práctica permitirase durante un mes máis que o ano pasado, cando terminou o 3 de febreiro.

Segundo informou a Xunta a través dun comunicado, a ampliación do período hábil para poder cazar esta especie é unha das principais novidades da actual tempada cinexética e responde a unha proposta realizada polo propio sector no seo do Comité Galego de Caza como medida de control poboacional, ante "a sobreabundancia de exemplares" detectada na comunidade.

Así consta na resolución publicada o pasado 31 de maio e pola que se determinan as épocas hábiles de caza, as medidas de control por danos e os réximes especiais por especies que rexerán durante a tempada 2019/2020.

Concretamente, e segundo o réxime especial aprobado no caso do xabaril, o período hábil para os terreos de réxime cinexético especial abarcará desde este sábado ata o 29 de febreiro de 2020 e poderá cazarse os xoves, sábados, domingos e festivos.

En canto aos terreos de réxime cinexético común, o prazo fixado no caso concreto do xabaril estenderase desde este sábado ata o 31 de agosto e do 7 de xaneiro ata o 29 de febreiro do próximo ano todos os xoves, sábados, domingos e festivos. Do 1 de setembro ao 6 de xaneiro de 2020 será unicamente os sábados. Por último, nos terreos de réxime cinexético especial, permitirase tamén a caza desta especie na superficie destinada a vedado de caza.

Por outra banda e á marxe da tempada hábil para a caza do xabaril, a Consellería de Medio Ambiente poderá seguir autorizando de forma puntual medidas de control por danos causados polo xabaril. Esta é unha posibilidade prevista na Lei de Caza de Galicia co fin de reducir os danos producidos por esta especie silvestre a través de batidas.

Xabarín
Xabarín

Temas: XUNTA CAZA XABARIL
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 esta rico asado

o que teñen que impedir son as masacres de rulas ... o porco bravo sobra esta moi crecido....