Mariano Rajoy compara a política co viño: "Deséxolles a todos a paciencia de quen sabe coidar a colleita"

Admite que se refire "a alguén" ao dicir esta frase ante o panorama político na lectura do pregón da Festa da Vendima de Leiro.

Por Europa Press / Redacción | OURENSE | 25/08/2019 | Actualizada ás 14:47

Comparte esta noticia

O expresidente do Goberno, Mariano Rajoy, desexou "para todos" as virtudes "da prudencia e a paciencia de quen sabe coidar e esperar a colleita", nunha chiscadela á situación política española. Ademais, admitiu que se refire "a alguén" ao pronunciar estas palabras.

Así se expresou durante a súa lectura do pregón da 30 edición da Festa da Vendima de Leiro (Ourense), no que se mostrou agradecido e o considera "unha inmensa honra". De feito, a pesar de ocupar case todos os cargos posibles no mundo da política, "en moi poucas ocasións" tivo que "actuar como pregoeiro", manifestou.

Así mesmo, Mariano Rajoy sinalou que para ser pregoeiro "a distancia ás tribunas políticas e parlamentarias" é a "mellor condición", fundamentalmente "no momento que vivimos hoxe en España e en moitos outros mundos". Ao longo de todo o seu pregón, fixo continuas alusións a Galicia e o significado que ten para el, os seus "mellores recordos e referencias" están na Comunidade. "As mellores palabras do dicionario, moito do que vivido e aprendido débollo a esta terra", declarou.

"Sintome galego por encima de todo e máis orgulloso diso que de case calquera cousa", expresou o expresidente do Goberno, quen cre que "ser galego non cambia co que se fai, senón que condiciona o que se é". Á súa vez, fixo mención ao primeiros tres anos da súa vida pasados no Carballiño e dixo que "nunca viviu mellor". "Ninguén se metía comigo e eu tampouco me metía con ninguén, digamos que estaba noutro momento da miña vida", reflexionou.

Sen perder o fío do que o levou ata Leiro, rendeulle homenaxe ao viño do Ribeiro ao dicir que sempre soubo ler e ver o "esforzo incondicional de todos os paisanos que saben que o froito só chega despois da colleita" cando se atopaba unha botella deste viño tanto dentro como fóra de España. Antes de despedirse, ao berro de 'Viva Leiro!, Viva o viño do Ribeiro!', quixo desexar "unha pronta recuperación ao rei emérito Juan Carlos", despois da súa última operación.

Mariano Rajoy e Alberto Núñez Feijóo en Ourense
Mariano Rajoy e Alberto Núñez Feijóo en Ourense | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Anonimo

Sigue siendo un mentiroso el no es gallego y lo sabe ayudo a sus amiguetes véase audasa y encerrada y el discurso lo hizo en español porque odia el gallego.es mal político y mala persona eso si le dice al co bar de de feijoo lo que tiene que hacer