Sermos Galiza sairá o 26 de abril

Contará cunha redacción de cinco xornalistas e centrarase, principalmente, en Economía, Política, Movementos Sociais e Cultura.

Por Galicia Confidencial | Compostela | 19/04/2012 | Actualizada ás 21:00

O novo proxecto xornalístico impulsado desde distintos estamentos políticos, sociais, culturais e sindicais do país xa ten data de saída; será o vindeiro 26 de abril cando comecen a súa andaina dixital. Con todo, haberá que agardar ata o vindeiro 17 de maio para que o semanario en papel vexa a luz segundo teñen informado accionistas do proxecto a GC.

O vindeiro 22 de abril terá lugar unha Xunta Xeral de accionistas no Hotel Araguaney de Santiago onde se dará conta deste novo proxecto xornalístico impulsado por parte da esquerda nacionalista. A idea orixinal era botar a andar o dixital este pasado 17 de abril pero, finalmente, problemas loxísticos e técnicos retardaron o lanzamento.

Redacción

Con todo, xa se coñece a redacción coa que contará Sermos Galiza. Serán, finalmente, cinco xornalistas, tres dos cales xa teñen colaborado tamén no Galicia Confidencial, e disporá dunha rede de persoas colaboradoras. Segundo contan na súa web, os responsábeis de botar a andar o xornal teñen "un perfíl variado e con intereses profesionais en distintos ámbitos comunicativos".

Deste modo, Xesús Manuel Piñeiro, ocuparase dan sección de economía "á que Sermos quere darlle o relevo que merece no momento de crise e desfeita do mundo laboral que vivimos". Pola súa banda, Rodri Suárez --quen ata fai dous meses mantiña unha columna de opinión no GC-- será o responsábel da coordinación da área política, unha sección que "se abre aos distintos aspectos sociais, organizativos e institucionais do acontecer galego".

ONG's e cultura

Do mundo das organizacións non gubernamentais e o cooperativismo, con formación en temas de xénero e conciencia feminista, incorporarase Beti Vázquez para levar a área social do xornal.

Sermos Galiza quere darlle moita importancia ao mundo da cultura con "propostas, iniciativas, protagonistas e análise da política institucional na tradición do xornalismo galeguista e nacionalista". Carme Vidal e Antón Fernández Escuredo, que tamén colaborou até hai nada co GC, serán os xornalistas que se encargarán desta sección e tamén se centrarán noutras áreas coma a preocupación pola recuperación da memoria histórica.

Capital de 320.000 euros

Sermos Galiza constituíse cun capital de 320.000 euros, segundo informou un dos impulsores do proxecto, Néstor Rego, quen destacou a diversidade dos accionistas, uns 900 segundo a plataforma.

Para xuntar esta cantidade Sermos Galiza contou co apoio de organizacións da contorna nacionalista, entre as que destaca o sindicato nacionalista CIG. Con todo, no grupo promotor colaboran militantes e simpatizantes de varias tendencias da esquerda nacionalista, entre os que salienta a UPG. Polo de agora a presidenta do proxecto é a escritoraTeresa Moure, que foi nas listas da Alternativa pola Unidade (APU), a plataforma que gañou as dúas últimas asembleas nacionais do Bloque.

GC aproveita para felicitar a saída deste novo proxecto e para desexarlles aos profesionais que se encargarán de levalo adiante moita sorte nesta nova andaina xornalística.

Noticias relacionadas

13 Antón

Moita sensibilidade coa sección de ONGs e feminismo. Moitas ONGs sirven a quenes as financian (o delegado de area de América de Amnistia Internacional é xefe do dabinete de Hillary Clinton). E as unecas mulleres que precisan emanciparse son as proletarias. Rosalia Mera está liberada de abondo, e se precisa liberarse de celulitis vai a facerse unha liposución nunha clinica de alto standing. O discurso feminista está en moitos casos embuido de virús pequeno burgués, e persoas coma Pajines a Aidos se apropian do dereito de falar en nome da condición feminina, canda sua condición non ten nada que ver coa da miña nai que limpaba chans a 5 euros a hora.

1 Shin Chan

Deixa ás feministas tranquilas Antón, que ti diso non sabes. Ti soluciona a túa celulite na "célula" da UPG. E non menciones á túa nai que aínda che ha de dar coa fregona na cachola.

12 pinchorla

Si se fai porque se fai, se non se fai porque non se fai.Nonhai quen entenda a ninguén. Supoño que a saída dun novo medio nacionalista é para sealedar. Dádeñe leña aos populares que son os malos, e non xuzguedes antes de que saia á rúa un novo medio.

11 Xornalista en paro

Rodri Suárez. É un gran profesional. Mais no tema do BNG véselle moito o plumeiro, polo menos en canto á opinión. Publicou un famoso artigo posicionándose en contra de todo "disidente" a raíz da Asemblea Nacional. Opinión completamente lexítima que ten dereito a ter, aínda que me pareza absolutamente desacertada. Mais esperemos que non inflúa no seu traballo informativo. Está por ver. Dende logo non é o xornalista máis receptivo a novos proxectos e alternativas políticas. Espero que non teña que decir que sigo o Sermos Galiza só pola sección de Cultura. Espero que non se convirta no que algúns prognostican como "Sermóns Galiza". En todo caso moita sorte ou moita "merda" neste novo proxecto.

1 Veseche o plumeiro

O feito de chamares "disidente" aos que ti apoias xa indica o teu sectarismo. Nin que fose obrigatorio falar mal do BNG e ser "receptivo a novas alternativas políticas" que moitos consideramos como vellas.

2 Antón

Ou seña.....que non influe no seu traballo informativo, si se axusta a tua opinión? Mal atoparemos a verdade se queremos que sempre coincida cos nosos intereses.

3 Censura, non grazas

O clientelismo non é exclusivo do PP. Hai mostras claras alí onde o BNG ten poder (os da UPG, e tamén os de + Galiza e os Irmandiños que se foron/estanse indo nun proceso prolongado polos medios). Pode ser por iso que Rodri Suárez fixo méritos ante o señor? Seguramente agora entendemos mellor aquel polémico artigo. O tempo, xa se di, pon a cada un no seu lugar.

4 DANTON

Desacertado, emerxente, disidente, demócrata: Nunha festa nas aforas de Santiago unha moza de aldea, emerxente e con lexítimas aspiracións sociais, bailaba cun estudante que a pisou desacertadamente, vamos, que lle esmagou o pe. O estudante díxolle –sufres vida?-, e a moza contestou, no mesmo nivel intelectual e modernidade que o xornalista en paro reclama do BNG, -por momientos-. Pasou a guerra e pasaron as camadas daquela moza solteira e os pormomientos multiplicáronse e encheron a terra de Santiago de pormomientiños eufemísticos e paveros.

5 Xornalista en paro

Antón, non entendo o que dis. Penso que eu me expresei de forma bastante clara, e non valorei o seu traballo informativo (aínda non se coñece no Sermos), nin dixen que sería mellor se a súa opinión coincida co meu pensamento (non cos meus intereses, que non teño intereses particulares). Censura non, grazas.

6 ...

E tampouco se entende o de Danton. Que se explique porque o que entendo é que compara o nacionalismo crítico e alternativo cunha moza de aldea, non sei de que aldea nin de que tempo, seica parva, polo "eufemístico e pavero". Metáfora machista e ofensiva para mulleres e ex militantes? Recórdame algunhas críticas de hai días a certo líder político...

7 Shin Chan

Antón é así ho! Non vos enfadedes.

10 noxento

Se o tempo e forzas que perden algúns en poñeren verdes a ex-compañeiros, o adicaran a estruturar unha nova alternativa, xa terían medio gañadas as vindeiras eleicións... vaia imaxe máis galegueira e representativa de porque *s galeg*s só valemos pra bestas de carga ou sipaios... NON VOS CANSEDES, NON

9 DANTON

Espero que cando informen da marcha, individual ou colectiva, de militantes do BNG, aseguren que non é a 5º ou 8ª vez que marchan. Xa chega de cazurrerías españolas e de folk mesetario: Y aquí va la despedida...Cando están que se van que se van e non se teñen ido...Teño dúbidas de que o BNG teña tantos militantes activos como os que comunican a saída eterna.

1 Shin Chan

No BNG os militantes activos aproxímanse a cero. Outra cousa son os que cobran; disos hai algúns máis, con tendencia á baixa. Os que non cobran non fan nada.