A Xunta ponse dura para evitar o "caravanismo"
Haberá unha ordenanza tipo regulará o estacionamento de caravanas e autocaravanas nos concellos galegos.
Por Europa Press / Redacción | SANTIAGO DE COMPOSTELA | 31/08/2019 | Actualizada ás 14:27
Unha ordenanza tipo regulará o estacionamento de caravanas e autocaravanas nos concellos de Galicia para que todos os municipios teñan "practicamente as mesmas" normas, segundo expresou a directora xeral de Turismo de Galicia, Nava Castro, este sábado en Santiago, ao ser preguntada polos espazos habilitados para este tipo de vehículos.
Este asunto sitúase como obxecto de crítica entre os cámpings galegos, como así o manifestou a semana pasada o presidente da Asociación Galega de Cámpings, Delfín Fidalgo, ao asegurar que "o que algúns chaman caravanismo non é un turismo social, é unha cousa moi distinta".
Por isto motivo, Nava Castro explicou na mañá deste sábado que o seu departamento se reuniu co presidente da Federación Galega de Municipios e Provincias (Fegamp), Alfredo García, para elaborar unha ordenanza tipo pola que "todos os concellos" establezan "practicamente" as mesmas condicións, "os servizos mínimos que teñen que cumprir" e o estacionamento máximo de 48 horas en puntos determinados.
Neste sentido, especificou que, ata o momento, o estacionamento de caravanas e os puntos fixados para estes transportes eran exclusivamente competencia municipal. Por tanto, a directora de Turismo de Galicia prevé "ter listo" o decreto que establece unhas normas comúns para finais de setembro e, de momento, baralláronse diferentes exemplos de ordenanzas que existen en localidades como Boiro (A Coruña).
DÚAS MODALIDADES
Actualmente os esforzos do departamento están a centrarse en "realizar comparativas" entre as regulacións dos municipios "para ver que ordenanza" se axusta mellor a todos os concellos. A xuízo de Nava Castro, unha caravana que pase máis de 48 horas estacionada no mesmo sitio forma parte "do sector turístico puro e duro" e non se considera "de tránsito".
Esta última modalidade englobaría a aqueles vehículos aparcados nos espazos habilitados para eles que permanencen inmobilizados menos de 48 horas, pero que "non poden estacionarse en calquera sitio". Segundo a responsable de Turismo, en Galicia existen máis de 25 espazos de tránsito, sobre todo no interior, cunha gran incidencia na provincia de Ourense.
Pola contra, se se supera o tempo establecido, entón "deben ir a un cámping" e "débeselles de cobrar" porque están a consumir "como uno un veciño máis".
