Accidente grave do operario dunha orquestra en Bóveda

Un traballador dunha orquestra resultou ferido na madrugada deste luns despois de caer dun camión desde unha altura de catro metros en Bóveda (Lugo). Foi trasladado ao Hospital de Monforte.

Segundo informa o 112, os feitos sucederon nas proximidades da casa consistorial, sobre as 6,10 horas.

Nese momento, un particular contactou co 112 para informar do ocorrido e, nada máis ter constancia, requiriuse a intervención de Urxencias Sanitarias de Galicia-061 e da Garda Civil.

Unha orquestra nunha actuación | Fonte: A.P.