Atopan morto no río Sil un home desaparecido o mércores en Rubiá

Os servizos de emerxencias localizaron falecido no río Sil un home que fora dado por desaparecido o mércores no municipio ourensán de Rubiá.

Segundo a información do CIAE 112-Galicia, a desaparición do home comunicouse ás 3,20 horas da madrugada do xoves a través do 112 de Castela e León. Ao parecer, perdéraselle a pista durante a tarde do mércores en Rubiá.

A partir de aí activouse un operativo de procura no que colaboraron, ademais dos axentes da Garda Civil, os efectivos do GES de Valdeorras. A localización do cadáver produciuse sobre as 12,15 horas do xoves.