A Xunta estudará permitir a caza do xabaril en terreos queimados en Pontevedra
O executivo galego explica que se valora esta opción debido á concentración de "amplas zonas sen actividade cinexética no sur desta provincia" polos lumes rexistrados, que "pode supor un importante problema á hora de controlar a poboación de xabaril".
Por E.P. | SANTIAGO DE COMPOSTELA | 11/09/2019 | Actualizada ás 20:14
A Consellería de Medio Rural estudará permitir informes favorables "excepcionais" para a caza de xabaril en terreos queimados na provincia de Pontevedra co fin de evitar a súa expansión.
Así llo trasladou este mércores o director xeral de Defensa do Monte, Tomás Fernández-Couto, a membros da Federación Galega de Caza en Pontevedra, cos que se reuniu en Santiago.
Nun comunicado, a Xunta explica que se valora esta opción debido á concentración de "amplas zonas sen actividade cinexética no sur desta provincia" polos lumes rexistrados, que "pode supor un importante problema á hora de controlar a poboación de xabaril".
Respecto diso, Medio Rural lembra que a lei de prevención de incendios recolle no seu artigo 44 que os aproveitamentos cinexéticos en terreos queimados quedan prohibidos durante tres anos, excepto autorización expresa.
