Por Europa Press / Redacción | SANTIAGO DE COMPOSTELA | 18/09/2019 | Actualizada ás 13:45
Máis de 50 asociacións e colectivos de Galicia sumáronse á folga polo clima que se celebrará o próximo 27 de setembro a nivel internacional e que naceu a raíz do movemento 'Fridays for future' (Mocidade polo clima), da man da activista sueca Greta Thunberg.
O medio centenar de asociacións galegas que subscribiron esta iniciativa fixérono apoiando o manifesto que o Movemento Galego polo Clima presentou este mércores ante os medios de comunicación.
Esta agrupación aglutina colectivos estudantís, así como determinados sindicatos galegos e asociacións ecoloxistas que decidiron sumarse á mobilización de concorrencia internacional para "pedir aos gobernos medidas efectivas fronte á crise climática", un dos "maiores retos que enfronta ao mundo nestes momentos", asegurou a portavoz de 'Fridays for future' da Coruña.
Ao mesmo tempo, un dos representantes do movemento fixo fincapé no estado climático actual que se atopa "na súa fase final", "pon en perigo a civilización" e leva a un futuro con "consecuencias catastróficas". Exemplificouno cos "máis de 2.000 millóns de refuxiados climáticos" que haberá no mundo debido á subida do nivel do mar.
ESIXENCIAS A TODOS OS NIVEIS
Por este motivo, o manifesto dos ecoloxistas galegos consta de dez demandas nas que o movemento insta a todas as institucións, desde as locais ata as nacionais, a "dicir a verdade, declarar e asumir a emerxencia climática como un grave problema"; "tomar medidas reais e efectivas para a eliminación de emisións de gases de efecto invernadoiro" e "acordar medidas para loitar contra a contaminación do CO2".
Tamén esixen "cambiar a política forestal" para a prevención de incendios, medidas en materia de consumo de auga, produción alimentaria e construción de vivendas para favorecer a co-responsabilidade de cada sociedade.
Entre as asociacións que apoiaron o dez puntos que conforman o Movemento Galego polo Clima atópase Greenpeace, a Asociación para a Defensa Ecolóxica da Galiza (Adega), colectivos universitarios ou o Sindicato Galego Labrego.
CONCENTRACIÓNS E MANIFESTACIÓNS
En base a este pretexto, a agrupación autonómica convocou concentracións e folgas durante o 27 de setembro en seis das sete grandes cidades galegas, da man das organizacións 'Fridays for Future' de cada localidade.
A Coruña, Ferrol, Santiago, Vigo, Lugo e Ourense contarán con manifestacións na tarde dese mércores para reclamar "accións urxentes" que fagan "fronte ao cambio climático" e que "garantan un futuro para as xeracións máis novas", así como tamén se anima a realizar unha "folga de consumo" durante ese día.
Ademais, algunhas cidades como Ferrol, Santiago ou Vigo celebrarán concentracións durante a mañá. En todas elas faise un chamamento á participación dos centros educativos, xa que Movemento Galego polo Clima considerou que "os nenos e nenas ten que ser os primeiros implicados, xa que serán os primeiros prexudicados" polas consecuencias do quecemento global.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.