Detido na Coruña por participar nunha rede de pornografía infantil a través de foros de Internet
O líder pedía aos que querían sumarse ao grupo material explícito sobre incestos reais.
Por E.P. | A Coruña | 22/09/2019 | Actualizada ás 14:00
A Policía Nacional detivo a un home na Coruña dentro dunha operación contra a pornografía infantil a través de Internet que se saldou cun total de oito persoas arrestadas. O suposto líder do grupo trátase dun estudante de 28 anos que foi detido en Sevilla e que instruía a outros pedófilos estranxeiros en foros de intercambio destes contidos.
O detido mantiña contacto con numerosas persoas a través de distintas aplicacións de mensaxería instantánea e redes sociais, almacenaba gran cantidade de material pornográfico de menores de idade e era administrador de grupos moi pechados e valorados por outros pedófilos, aos que esixía condicións extremas para o seu acceso como o envío de imaxes de incestos reais.
A detención produciuse no marco dunha operación contra a pornografía infantil na que foron detidas outras sete persoas máis en Barcelona (2), A Coruña (1), Comunidade Valenciana (2) e Madrid (2). Ademais, outro tres foron imputadas e un menor de idade posto baixo protección, xa que o material sexual que compartía era protagonizado por el.
Un dos detidos na provincia de Madrid, ademais de descargar pornografía infantil por diversos medios, exhibíaa publicamente por centos de persoas a través dunha coñecida rede social "para gañar máis likes e prestixio".
A operación iniciouse grazas á colaboración existente entre distintos países na loita contra o cibercrime. Axentes da Policía Nacional recibiron diversa información, procedente do corpo policial dos Estados Unidos de América HSI (Homeland Security Investigations), acerca de que diferentes persoas en España estarían a compartir pornografía infantil a través de Internet.
Durante a investigación, os policías conseguiron pescudar que tres persoas estaban a compartir pornografía infantil a través de Internet desde Barcelona. Así, tras varias pescudas destinadas á súa identificación, dous homes foron detidos e un menor imputado por distribuír pornografía infantil a través de Internet.
No caso dun dos detidos, para evitar ser identificado, utilizaba nas redes sociais unicamente os datos persoais que compartía co seu proxenitor, o que arroxaba dúbidas acerca de cal dos dous era o que compartía o material pedófilo.
