Aberto o prazo para solicitar o voto por correo para as xerais do próximo 10 de novembro

Este martes, coincidindo coa disolución das Cortes Xerais e a convocatoria oficial dos comicios, Correos abriu o prazo para poder solicitar o Certificado de inscrición no Censo Electoral, cuxa obtención é imprescindible para poder emitir o voto por correspondencia.

Esta solicitude debe ser xestionada persoalmente por cada elector, salvo en caso de enfermidade ou discapacidade acreditada mediante certificación médica oficial. De ser así, o solicitante poderá autorizar notarial ou consularmente a outra persoa para que realice o trámite.

No momento de formular a solicitude, os interesados deben acreditar a súa personalidade presentando ante o empregado da oficina postal o DNI, Pasaporte ou carné de conducir orixinais. Correos entregará as solicitudes recibidas nas Delegacións Provinciais da Oficina do Censo Electoral correspondentes.

Así mesmo Correos vai xestionar o voto por correspondencia para as eleccións locais parciais que se celebrarán o 17 de novembro en 35 municipios e en 88 entidades locais de ámbito territorial inferior ao municipio nos que non se presentou ningún candidato para os comicios do 26 de maio, así como noutro tres municipios con mesas cuxo escrutinio foi anulado nas últimas eleccións municipais.

Neste caso, o prazo para poder solicitar o de voto por correspondencia tamén se abre este martes e finalizará o 7 de novembro.

Papeletas das eleccións do 28 de abril ao Congreso. EUROPA PRESS - Arquivo | Fonte: Europa Press