Toma posesión na Cámara galega Óscar Vilar Chento, novo deputado do PSdeG

O deputado autonómico pola provincia da Coruña Óscar Vilar Chento tomou este martes posesión do seu escano no Parlamento de Galicia, onde formará parte do grupo do PSdeG.

Vilar Chento prometeu o seu cargo e fidelidade ao Estatuto de autonomía e á Constitución Española ao comezo do pleno desta semana, no que se celebra o debate anual de política xeral de Galicia.

O novo parlamentario socialista optou nas pasadas eleccións municipais do mes de maio á alcaldía do concello coruñés do Pino, onde revalidou o seu cargo o alcalde do PPdeG Manuel Taboada.