Recuperado no río Limia o corpo sen vida dun home á altura de Xinzo

Efectivos de emerxencias recuperaron este martes o corpo sen vida dun home no Río Limia ao seu paso polo termo municipal de Xinzo.

Segundo os datos facilitados polo 112 Galicia , sobre as 13,30 horas deste martes recibiuse o aviso dun corpo que flotaba na auga no Río Limia, no tramo entre as piscinas e a ponte da estrada de Lama.

Por iso, ata o punto desprazáronse efectvos dos Bombeiros de Xinzo, así como persoal sanitario, axentes da Garda Civil, Policía Local e Protección Civil. As forzas de seguridade investigan os feitos para aclarar as circunstancias do sucedido.

Servizo de emerxencias 112