Por Europa Press / Redacción | SANTIAGO DE COMPOSTELA | 01/10/2019 | Actualizada ás 17:49
Galicia está entre comunidades coa renda bruta media máis baixa, con 23.249 euros por habitante, segundo os datos de 2017 feitos públicos este martes pola Axencia Tributaria.
Por comunidades autónomas, a que rexistra unha maior renda media é Madrid, cunha renda media bruta de 35.067 euros (+2,3%) por habitante, seguida por Cataluña (30.430 euros), Ceuta (30.209 euros), Melilla (29.857 euros), Illas Baleares (28.312 euros), Asturias (26.084 euros) e Aragón (25.434 euros).
Pola contra, as comunidades con rendas máis baixas foron Estremadura, con 19.870 euros por habitante de media, seguida de Castela-A Mancha (22.003 euros), Andalucía (22.303 euros), Murcia (22.994 euros) e Galicia (23.249 euros), aínda que en todos os casos as rendas medias aumentan respecto ao exercicio anterior.
A estatística tamén reflicte unha maior renda bruta media nos municipios máis poboados, como naqueles de máis de 500.000 habitantes (34.622 euros); de 100.001 a 500.000 habitantes (26.833 euros); ou de 50.000 a 100.000 (27.787 euros), fronte aos municipios con entre 1.000 e 5.000 habitantes (20.177 euros) ou aqueles de menos de 1.000 habitantes (18.462 euros), que presentan rendas máis baixas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.