Atropelados dous menores en Vigo e O Barco
Por E.P. | SANTIAGO DE COMPOSTELA | 03/10/2019 | Actualizada ás 09:59
Dous menores resultaron feridos en senllos atropelos ocorridos na tarde deste mércores nos termos municipais do Barco de Valdeorras (Ourense) e de Vigo.
Segundo informou o 112 Galicia, no primeiro deles, un neno foi arroiado por un turismo á altura da Avenida de Elena Quiroga sobre as 18,45 horas deste mércores. Tras recibir o aviso a través de Urxencias Sanitarias de Galicia-061, por parte do CIAE 112 solicitouse a intervención da Policía Local e do GES de Valdeorras.
Neste caso, o 061 enviou ao lugar unha ambulancia asistencial que levou ao menor ferido o Hospital de Valdeorras, confirmaron a Europa Press fontes sanitarias.
Por outra banda, outro menor resultou ferido e necesitou asistencia sanitaria despois de ser atropelado na rúa de Loureiro da parroquia viguesa de Cabral sobre as 19,00 horas deste mércores, apuntou o 112.
Despois da chamada dunha persoa particular, os xestores do CIAE 112 Galicia pasaron o aviso a Urxencias Sanitarias de Galicia-061, á Policía Local e aos Bombeiros de Vigo.
O menor ferido foi trasladado por unha ambulancia medicalizada do 061 ao Hospital Álvaro Cunqueiro (HAC) de Vigo, sinalaron fontes sanitarias.
