Máis de 40 entidades sociais galegas participarán na VI Carreira pola Integración
Celebrarase o 19 de outubro na Coruña e o seu obxectivo é promover a visibilización de colectivos e persoas con diversidade funcional.
- A Xunta defende a "profesionalización" dos asistentes persoais de persoas con discapacidade
- Ábrense unhas xornadas para o empoderamento e a inclusión de mulleres con diversidade funcional
Por E.P. | A CORUÑA | 04/10/2019 | Actualizada ás 13:49
Un total de 45 entidades sociais de toda Galicia participarán no VI Carreira para a Integración Enki, que se celebrará o 19 de outubro na Coruña, segundo informa a organización.
Con motivo desta carreira solidaria, a praza de María Pita acollerá o 'Espazo da Solidariedade', onde 25 asociacións e fundacións do ámbito da diversidade que participan na carreira darán a coñecer á cidadanía o seu traballo a través de diferentes actividades para todos os públicos.
No que se refire á proba, celebrarase o sábado 19 de outubro, a partir das 16,30 horas, no centro urbano da cidade, na zona da avenida da Mariña, Parrote e praza de María Pita.
A carreira, non competitiva, conta cun percorrido adaptado e o seu obxectivo é promover a visualización de colectivos e persoas con diversidade funcional, ademais do respecto e a educación na diversidade.
