Morre afogado un home nunha praia de Carnota

Un home faleceu esta tarde afogado na praia do Ancoradoiro, en Carnota, segundo informa o 112.

Segundo fontes consultadas por GC o home era de Lariño e, por razóns que se descoñecen, foi arrastrado pola corrente. A pesar dos esforzos dos servizos de emerxencia e de que foi rescatado con vida polo helicóptero Helimer Galicia, que o trasladou a Cee, os médicos só puideron certificar o seu falecemento.