Entrevista entre o alcalde de Ferrol e a ministra Reyes Maroto sobre a necesidade de diversificar Navantia
O goberno local de Ferrol asegura que Maroto e Mato "repasaron a situación do sector naval" e o alcalde socialista trasladou á mandataria que Navantia "debe seguir apostando por fabricar barcos sen desaproveitar outras potencialidades".
Por E.P. | SANTIAGO DE COMPOSTELA | 09/10/2019 | Actualizada ás 17:18
O alcalde de Ferrol, Ángel Mato (PSOE), trasladou á ministra de Industria, Comercio e Turismo en funcións, Reyes Maroto, que a empresa naval publica Navantia deberia de explotar "as oportunidades que abren as renovables". O rexedor socialista mantivo un encunetro coa integrante do Goberno en funcións de Pedro Sánchez durante a visita da ministra este martes a Galicia.
A través dun comunicado, o goberno local asegura que Maroto e Mato "repasaron a situación do sector naval" e o alcalde socialista trasladou á mandataria que Navantia "debe seguir apostando por fabricar barcos sen desaproveitar outras potencialidades". Entre elas, referiuse a a fábrica de turbinas, "un referente a nivel de mecanizados desde hai anos" e que levou o mantemento de infraestruturas como centrais enerxéticas.
CENTRO TECNOLÓXICO
Ángel Mato tamén lle expuxo a posibilidade de crear un centro tecnolóxico na cidade que aproveitase tanto a presenza de Navantia como o Campus Industrial e, en concreto, os estudos de Enxeñaría Naval e Oceánica.
Segundo o rexedor, ésto podería "pór a Ferrol á cabeza das tecnoloxías referidas á eólica mariña, á eólica terrestre ou ao gas licuado e ir avanzando no posicionamento tecnolóxico" para así devolver á cidade a "o que foi" neste campo.
Outro aspecto abordado no encontro foi o desenvolvemento do novo taller de bloques que previu Navantia para o seu estaleiro de Ferrol, así como do proxecto de estaleiro 4.0, xa que "con eses pasos a empresa, como motor da industria local, axudaría a que o resto de compañías da zona fósense adaptando e implantando as novas tecnoloxías".
Por último, Mato agradeceu que o Goberno "lle dese un impulso ao Programa Reindus, a través do que se conseguiron investimentos dunha importante contía", pero tamén lle solicitou que a Administración central "siga apostando por darlles un impulso a estes fondos, e de maneira especial os ligados ás enerxías renovables".
