Feijóo non celebra a exhumación do ditador Franco

O presidente da Xunta e do PPdeG, Alberto Núñez Feijóo, asegurou, sobre os pasos dados polo Goberno central para a exhumación do ditador golpista Francisco Franco, que "cando un non ten un proxecto de futuro refúxiase no pasado", en referencia ao PSOE.

Unha axente da Garda Civil pecha a porta de entrada ao Val dos Caídos. A basílica péchase horas despois do anuncio por parte do Goberno de que os restos do ditador Francisco Franco sairán do Val dos Caídos antes do 25 de outubro | Fonte: Europa Press

Feijóo rexeitou dedicarse a comentar "a ditadura que España superou hai 40 anos". "A min o que me preocupa non son os últimos 80 anos, se non os próximos 80 meses", engadiu.

Ademais, instou a non perder "o horizonte". "O horizonte é que podemos facer en España a partir de agora e empezar a darlle voltas á ditadura franquista non forma parte das prioridades, entendo, que nin da maioría dos cidadáns nin do PP".

Na mesma liña, insistiu que a súa prioridade tampouco pasa por "comentar" a ditadura. Fronte a iso, reivindicou a transición política en España, convencido de que se pecharon tamén "feridas".