Os permisos do Concello a Nupel son irregulares

O alcalde de Lugo alega que as licencias tiñan o visto bo dos técnicos e destaca que o PP filtrou dende a Xunta o informe de urbanismo á oposición.

GC retira o sumario da Operación Campeón

Por Galicia Confidencial | Lugo | 02/06/2012 | Actualizada ás 12:50

O empresario Jorge Dorribo acusara ao alcalde de Lugo de facilitarlle unhas licencias urbanísticas a cambio de que a súa empresa patrocinase eventos municipais, o Arde Lucus e Lugo 10. Agora un informe da Axencia de Protección da Legalidade Urbanística apunta que eses permisos non cumpren co Plan Xeral de Ordenación Municipal.

A xuíza do Caso Campeón pediu o informe á Xunta tras a denuncia contra José Orozco, que está imputado. Os datos do Goberno confirman que a modificación de catro parcelas no Polígono do Ceao foi irregular.

Versión do alcalde

O alcalde socialista nega calquera irregularidade. Orozco destaca que as citadas licencias son de 2004, e os patrocinios da empresa Nupel ao municipio de tres anos despois. O mandatario argumenta ademais que os técnicos do Concello deron luz verde ás licencias e que, polo tanto, non lle quedaba outra que asinar as licencias ou prevaricar.

Ademais, o dirixente do PSdeG destaca que o líder da oposición luguesa, Jaime Castiñeira (PP), referiuse ao contido do informe o martes, antes de que saltara aos medios a través do sumario. Na súa opinión trátase dunha "instrumentalización política bochornosa" por parte dos conservadores do informe.

Aumenta a presión sobre Orozco

"Agardo que o voceiro popular unicamente fose informado e non tivese protagonismo nesta extra decisión", dixo Orozco. O líder socialista lembrou que varios altos cargos da Xunta están imputados tamén na Campeón.

Tras as demisións dos deputados Pablo Cobián (PP) e Fernando Blanco (BNG), os 'populares' pediron a demisión de Orozco ante a súa condición de imputado. O edil negou sempre calquera trato de favor a Dorribo.

Noticias relacionadas

GC retira o sumario da Operación Campeón

3 desdeBetanzos

Parece ser que o señor Orozco ten o don de aparecer (omnipresencia+omnipotencia) en todos os sitios (públicos) nos que hai euros (tamén de todos) en circulación: http://ceporbe.blogspot.com.es/2012...

1 7wpc

Orozco xa hai que anda metido en trapalladas, outra cousa é que aprendera moito do seu colega (aínda que non de partido) Cacharro, e fose díficil de cazar, pero o que anda en moitas nalgunha ten que caer, e o home con vocación de emperador romano como todos os seus sempre foi un gran amigo dos empresarios.

2 mariasss

recoméndote artigo de carlos martinez bujan de 1 abril 2012 "imputación alcalde lugo" que termina así "En resumen, el modo de proceder de la juez, citando al alcalde como imputado y a los técnicos como testigos, nos aboca a una paradoja difícilmente comprensible: si realmente la juez considera que hay indicios de que la licencia es injusta y arbitraria, lo único seguro es que los técnicos informantes serían responsables de la prevaricación, pese a lo cual se les cita como simples testigos (privándoseles, así, de importantes garantías constitucionales que rodean a la figura del imputado); en cambio, el alcalde no tendría necesariamente por qué ser responsable de la prevaricación, pese a lo cual se le cita como imputado, incluso con anterioridad a la declaración de los técnicos….” Entra en google en leo

2 mariasssss

Non é certo "Os permisos do Concello a Nupel son irregulares". As licencias estarán concedidas por quen ten que facelo que é o Concello, e a APLU da Xunta non ten competencia algunha sobre as mesmas. Quen di que son regulares son os informes técnicos e xurídicos do Concello. Nada di ó respecto o Alcalde. Si a xuiza lle pide opinión a APLU o que obtén é iso: unha opinión; sin trascendencia xudicial. Polo que se lee na noticia as licenzas non están recurridas, e polo tanto non poden estar anuladas. Sobre a credibilidade da APLU hai que decir que é inexistente dende o de Barreiros. En resume, é un pouco escandaloso o que está a acontecer con respecto a este procedemento xudicial, que parece que o unico que consigue é sacar da política a xente do psoe e do bng non se sabe en base a que. E parellamente todos sabemos a sombra de que creceu o sr dorribo

1 Evidente

O aproveitamento baixo subsolo computa edificabilidade, agás que sexa destinado a aparcamento e instalacións. Nas licenzas outorgadas a Nupel non computaba (ilegalmente, por tanto), pola simple razón de que as parcelas xa tiñan esgotada a edificabilidade. As licenzas non deberon ser outirgadas.

2 mariasss

recoméndote artigo de carlos martinez bujan de 1 abril 2012 "imputación alcalde lugo" que empeza así "No acabo de entender bien cuál es el razonamiento jurídico que ha conducido a la juez San José a citar a declarar como imputado al alcalde de Lugo (y, por cierto, solo a él y a nadie más de la corporación municipal) por un delito de prevaricación, cuando, en cambio, por los mismos hechos cita a declarar posteriormente como simples testigos a diversos funcionarios que emitieron los informes favorables para la concesión de una licencia urbanística al empresario Jorge Dorribo"...

1 Gamela

Neste país os xuízos eternízanse e rematan convertidos en guións cinematográficos... Gostaríame saber se a Fiscalía de Lugo segue a perseguir ao "mensaxeiro" (GC) ou xa podemos falar libremente desta pandilla de buitres: especialmente do que nunca sae nas noticias (Pepiño Blanco) ?