O I Festival Escolar do Camiño Inglés reúne a miles de escolares de centros de Ferrolterra

O obxectivo desta iniciativa é dinamizar as distintas rutas de peregrinaxe e achegar dun modo lúdico os máis novos a este patrimonio.

Por E.P. | SANTIAGO DE COMPOSTELA | 18/10/2019 | Actualizada ás 14:40

Comparte esta noticia

Miles de escolares de centros educativos da comarca de Ferrolterra participan no I Festival Escolar do Camiño Inglés, un dos proxectos realizados ao amparo do programa 'O teu Xacobeo' co obxectivo de dinamizar as distintas rutas de peregrinaxe e, neste caso concreto, achegar dun modo lúdico os máis novos a este patrimonio.

O conselleiro de Cultura e Turismo, Román Rodríguez, visitou este venres as diferentes propostas do evento, situado no porto de Ferrol Entre elas, o 'photocall' do peregrino, o gran mapa do Camiño Inglés, o espazo de arte en directo ou unha zona de talleres de papiroflexia, entre outras actividades.

Ademais, Rodríguez tivo a ocasión de coñecer a 'Frenchi', a mascota do festival, e de escoitar o himno do Camiño Inglés creado especialmente para o evento, 'Segue a frecha'.

De forma paralela ao festival, a organización tamén está a desenvolver peregrinacións dun tramo do Camiño para que os nenos poidan vivir en primeira persoa a experiencia.

O titular de Cultura valorou a importancia destas actividades dirixidas aos máis pequenos, que "permiten que os nenos teñan máis contacto e coñecemento" sobre a Ruta Xacobea e convertelos en "expertos e promotores" do Camiño.

O conselleiro de Cultura e Turismo, Román Rodríguez, nun acto en Ferrol. XUNTA
O conselleiro de Cultura e Turismo, Román Rodríguez, nun acto en Ferrol. XUNTA | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta