O CIS mantén a vitoria ao PSOE en Galicia e os nove deputados do PP

Ciudadanos baixa a un asento, Galicia en Común mellora o seu resultado e pode sumar un terceiro, mentres que Más País e BNG quedan sen representación.

Por Europa Press / Redacción | SANTIAGO DE COMPOSTELA | 29/10/2019 | Actualizada ás 12:42

Comparte esta noticia

A macroenquisa electoral do Centro de Investigacións Sociolóxicas (CIS) con vistas aos comicios do próximo 10 de novembro dá de novo a vitoria ao Partido Socialista en Galicia, con entre 10 e 11 escanos, mentres que o PP mantería os nove logrados o pasado 28 de abril.

En concreto, os socialistas manterían os seus dous representantes por Lugo e Ourense, os tres que alcanzaron pola provincia de Pontevedra e poderían facerse cun máis pola Coruña, o que perdería Ciudadanos.

E é que a formación líderada por Albert Rivera só alcanzaría un escano, o que ocupou a súa cabeza de lista por Pontevedra, Beatriz Pino, na última lexislatura errada.

Pola súa banda, o Partido Popular lograría tres representantes pola provincia da Coruña e quedarían con dúas nas restantes provincias, ata un total de nove en toda a Comunidade, os mesmos resultados que o 28 de abril.

Ademais, En Común - Unidas Podemos mantería o escano que ocupa Yolanda Díaz por Pontevedra e mesmo podería alcanzar un máis que o de Antón Gómez Reino pola Coruña, cun total de ata tres representantes.

MÁS PAÍS E BNG, SEN REPRESENTACIÓN

Con estes datos que arroxa o barómetro do CIS, a coalición galega de Podemos e Esquerda Unida --esta vez sen Equo-- non se vería afectada pola irrupción de Más País, que só presenta candidaturas na Coruña e Pontevedra, lideradas por Carolina Bescansa e Daniel Liceras, respectivamente.

Ademais, o BNG volvería quedar sen representación na Cámara Baixa a pesar de que outras enquisas si lles outorgan un deputado pola Coruña. De materializarse as previsións do CIS, serían os cuartos comicios xerais nos que os nacionalistas galegos non obteñen ningún escano.

TOTAL ESPAÑA

A macroenquisa electoral do CIS para as eleccións do 10 de novembro volve dar a vitoria ao PSOE cun respaldo estimado do 32,2% e entre 133 e 150 escanos, por encima do seu resultado de abril. Ese resultado segundo os cálculos do organismo presidio por José Félix Tezanos, permitiría aos socialistas gobernar con maioría absoluta con Unidas Podemos, ou ben con Ciudadanos.

En segunda posición figura o PP co 18,1% e entre 74 e 81 escanos, mellor que en abril pero lonxe da cifra de cen deputados que lle dan as enquisadoras privadas.

A coalición Unidas Podemos quedaría nunha posición similar á dos anteriores comicios sumando o 14,6% por cento e entre 37 e 45 escanos, incluíndo a En Comú e a Galicia En Común, mentres que Ciudadanos cae, pero queda no 10,6% e entre 27 e 35 deputados.

Por último, e en contra do que indican as enquisas privadas, Vox queda no 7,9% e entre 14 e 21 escanos, por baixo do cultivado en abril.

Más País, o novo partido de Errejón, entraría co 2 por cento e dous escanos en Madrid, ao que se engadiría o 0,9% de Compromís, cun ou dous escanos máis.

A enquisa baséase en ao redor de 17.650 entrevistas persoais realizadas en 1.091 municipios das 50 provincias entre o 21 de setembro e o 13 de outubro, é dicir, tras o visto e prace do Supremo á exhumación de Franco e o aniversario do referendo ilegal do 1 de outubro de 2017, pero sen coñecerse aínda a sentenza sobre o procés.

Macroencuesta electoral do CIS de outubro de 2019. EPDATA
Macroencuesta electoral do CIS de outubro de 2019. EPDATA

REACCIÓNS

Os diferentes partidos expresaron os seus obxectivos de cara ao 10N e as súas opinións ao redor da enquisa do CIS unha vez que se publicou. 

O secretario xeral do PSdeG, Gonzalo Caballero, arroupado por dirixentes da súa formación en Santiago. EUROPA PRESS - Arquivo
O secretario xeral do PSdeG, Gonzalo Caballero, arroupado por dirixentes da súa formación en Santiago. EUROPA PRESS - Arquivo | Fonte: Europa Press
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 5 comentarios

4 caxancran

que bng siga asi, cero patateiro. a impotencia sin control non sirve de ren decia o anuncio non? onde estan os meus representantes que non os atopo por ningures en fin, ata os cantabros conquiren escano. eu non votarei. bng producto obsoleto e fracasado. e ainda non hai nin se lle espera un novo. nin mareas, nin compromiso, nin anova. todos a mamar da teta publica. nin un a facer nada, porque non valen pra nada, mediocres agardado pola cadeira. so hai que ver o curriculum de cada un e os patrimonios. rien de rien.

3 Breijar

Más País é mala copia de Podemos e o BnG-CxG son monicreques do PSOE. É normal que ante unha repetición electoral, a xente farta de votar prefira aos orixinais antes cas copias, e daí as nulas posibilidades dos de Errejón e Pontón. Seguramente en Galiza se repitan os resultados de abril.

2 Casimiro

Eu non vou votar. Senón son capaces de entenderse e conformar unha candidatura galega unitária, plural, que represente os intereses da maioría ampla do país, entón non merecen o meu apoio e menos aínda que sexa cómplice deste desastre. Non me serve o de 'estivemos a punto', e menos ainda o de 'estamos no camiño certo, na próxima será'. Os responsables deste fracaso deben desaparecer da política profesional, e todos e todas sabemos quen son.

1 Luis CUB

Vas ser complice igual do que saia. Gañe o PP, ou PSOE ou que fiquemos sen representantes de forzas propias vai ser a tua responsabilidade tamén, por accion ou por omisión Asi, que sinto fastidiarte o teu plan de Indolencia autocomplacente. Responsável ti tamén, tanto coma todos.

1 Debacle Habitual

bng + anova + mareas + age + cerna + cxg = 0 (o escribo en minúsculas porque me avisan de que non berre e me relaxe)