Ourense, escaparate ibérico do turismo deportivo

Expourense acollerá os días 14 e 15 de novembro o 1º Congreso Ibérico de Turismo Deportivo, evento organizado tamén pola Secretaría Xeral para o Deporte, a Axencia de Turismo de Galicia e a Deputación Provincial de Ourense. Conta ademais coa colaboración da Asociación do Deporte Español e do Concello de Ourense.

Por X.M. Fernández | Ourense | 31/10/2019 | Actualizada ás 11:00

Comparte esta noticia

O turismo deportivo está entre as tres principais motivacións dos turistas estranxeiros que visitan España e é, sen dúbida, unha oportunidade para a diferenciación dos destinos e para o seu desenvolvemento económico. Tamén é unha excelente ferramenta para a promoción do deporte e dos hábitos de vida saudables.

Presentación do 1º Congreso Ibérico de Turismo Deportivo. Fonte:Prensa Expourense
Presentación do 1º Congreso Ibérico de Turismo Deportivo. Fonte:Prensa Expourense

O 1º Congreso Ibérico de Turismo Deportivo, que se celebrará de forma paralela e complementaria á terceira edición de Sportur Galicia, Salón do Deporte e Turismo Activo,  foi presentado este 28 de novembro en Expourense polo presidente da Deputación Provincial de Ourense, Manuel Baltar; polo Secretario Xeral para ou Deporte da Xunta de Galicia, Ramón Lete; pola concelleira de Turismo do Concello de Ourense, Flora Moure; e pola directora adxunta de Expourense, Emma González. Todos eles destacaron o peso do turismo deportivo en Galicia e en especial na provincia de Ourense.

O Secretario Xeral para ou Deporte aportou datos como que o deporte achega un 2,5 % ao PIB nacional -xera uns 13.800 millóns de euros ao ano- ou que en España existen máis de 34.000 empresas asociadas ao sector que dan emprego a máis de 200.000 persoas. Nestes momentos, o congreso conta xa con máis de 100 rexistrados de toda España e Portugal e espérase superar os 200 participantes. Trátase dun evento dirixido aos profesionais do sector como poden ser as federacións deportivas; pemes e autónomos do sector do deporte e o turismo; axencias de viaxes; Clubs e empresas do deporte; alumnado e profesorado de e ensinos deportivos ou turísticos e Administracións públicas con competencia en deporte ou en turismo.

PROGRAMA

O evento dividirase en 5 temáticas: as políticas públicas, turismo activo e náutico, eventos deportivos, desenvolvemento de destinos e simbiose deporte-turismo. Contará coa participación de 20 relatores de España e Portugal que son expertos en turismo deportivo, un dos subsistemas turísticos con maior crecemento interanual. Darán a coñecer casos de éxito de destinos e modelos españois e internacionais que poden ser adaptados e reproducidos por outras entidades e que poden resultar inspiradores para o desenvolvemento económico sustentable de destinos turísticos en todo o mundo.

Analizarase o papel do turismo deportivo no desenvolvemento local e urbano como xerador de emprego e a importancia dos eventos deportivos como factores de dinamización das zonas rurais e elementos crave para o posicionamento turístico dos territorios. Algúns dos exemplos que se expoñerán será o da “Irati Extrem”, unha marcha ciclista non competitiva que se celebra cada ano na localidade de Urzainki, no Pirineo navarro; ou o “Iron Man” de Lanzarote ou a “Pantín Classic” de Valdoviño, entre outras. Tamén se abordarán o tema das titulacións necesarias para traballar no sector do turismo activo.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Couch Potato

Teñen todos unha pinta de facer deporte que tira patrás