Por Galicia Confidencial | Santiago de Compostela | 01/11/2019 | Actualizada ás 18:34
A Xunta Electoral Provincial da Coruña estimou a reclamación de Vox sobre o plan de cobertura da campaña electoral da Corporación Radio Televisión de Galicia (CRTVG). A formación de ultradereita denunciou que o ente público cubrira os actos electorais do BNG, a pesar de non ter representación no Congreso, e non os seus.
Nun comunicado, a formación lembraba que esta queixa se formalizou o pasado día 29 por considerar que devandito Plan non respectaba o pluralismo político e social, a igualdade, proporcionalidade e neutralidade informativa na programación dun medio público.
Unha vez presentada a reclamación, a Xunta Electoral Provincial acordou recoñecer a VOX como "grupo político significativo" baseándose nos resultados obtidos pola formación nas anteriores eleccións xerais do 28 de abril de 2019, nos cales os 86.126 votos conseguidos equivalen ao 5,27% dos votos emitidos en Galicia, o que supera o 5% que esixe a Instrución da JEC 1/2015 para poder recoñecer a un grupo político desta forma.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.