Por X.M. Fernández | Arzúa | 09/11/2019 | Actualizada ás 10:00
Trátase dun dos concursos de carteis de festas gastronómicas e musicais con máis prestixio de Galicia contando para esta edición con 4 premios. A dotación económica será de 600, 300 e 100 euros para o 1º, 2º e 3º respectivamente. Tamén haberá un 4º premio elixido por votación popular, que levará un agasallo especial.
Ademais dos premios en metálico, haberá diferentes lotes de agasallos para os/as gañadores/as: estancias de fins de semana, xantares en aloxamentos de turismo rural, queixos D.O.P. Arzúa-Ulloa, queixeiras e pratos de Sargadelos, camisetas, mandís, memorias USB, libretas, paraugas, mochilas, gorras, fundas para tablet, smartphone, etc.
E non queda aquí a cousa, todos os carteis finalistas -que teñan recibido algún punto do xurado- terán un detalle, levarán un queixo D.O.P. Arzúa-Ulloa.
O prazo de presentación de orixinais remata o 9 de decembro de 2019 e pódense consultar as bases na web do evento. O luns 16 de decembro coñeceremos ao gañador/a e premiados/as.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.