Abre o prazo de inscrición nas oposicións para 202 prazas de traballador social, psicólogo e terapeuta ocupacional

Por E.P. | SANTIAGO DE COMPOSTELA | 11/11/2019 | Actualizada ás 11:48

Comparte esta noticia

A Xunta abre este luns o prazo de inscrición nas oposicións para cubrir 202 prazas de traballadores sociais, psicólogos e terapeutas ocupacionais, tal e como recolle a resolución publicada o pasado venres no Diario Oficial de Galicia.

En concreto, recóllese a convocatoria de 89 prazas de traballadores sociais, a que ten un maior volume desde 2006; 63 para psicólogos --a última tamén dese ano-- e 50 de terapeutas ocupacionais.

Todas as convocatorias realízanse de forma diferenciada, por unha banda as de persoal funcionario e, por outro, as de persoa laboral. A maioría das prazas (157) son de acceso libre e poderá acceder a elas calquera persoa que cumpra os requisitos. Ademais, as prazas de promoción interna que non sexan cubertas sumaranse ás de acceso libre.

O sistema selectivo realizarase a través do concurso-oposición e desde a publicación da convocatoria ata a realización da primeira proba haberá un prazo mínimo de seis meses para que as persoas inscritas se poidan preparar para as mesmas. O prazo de inscrición nestas oposicións abre este luns, día 11, e concluirá o 9 de decembro.

Persoa dependente
Persoa dependente

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta