A Eurocidade Verín-Chaves impulsará servizos de mobilidade con fondos europeos
O Goberno galego traballará no impulso de iniciativas que "fortalezan" as relacións económicas entre Galicia e o norte de Portugal.
Por E.P. | SANTIAGO DE COMPOSTELA | 11/11/2019 | Actualizada ás 19:02
A Xunta de Galicia e a Eurocidade Verín-Chaves impulsarán un servizo de transporte entre ambos os territorios para garantir unha mellor mobilidade transfronteiriza aos 60.000 habitantes e "apontoar" así as relacións.
Para avanzar neste sentido reuníronse este luns o director xeral de Mobilidade, Ignacio Maestre; o subdirector xeral de Acción Exterior e de Cooperación Transfronteiriza, Xosé Lago; o director da Agrupación Europea de Cooperación Territorial, Pablo Rivera; e o presidente da CIM Alto Támega e da Eurociudad Chaves-Verín, Nuno Vaz.
A Eurocidade foi beneficiaria dun Proxecto B Solutions financiado pola Comisión Europea para poder "potenciar" estes proxectos de mobilidade.
O Goberno galego traballará no impulso de iniciativas que "fortalezan" as relacións económicas entre Galicia e o norte de Portugal por consideralas estratéxicas.
