Mercadona entrega ao Bancos de Alimentos máis de 3.200 quilos
A xerente dos supermercados en Galicia, Mariña Rivas, recoñeceu "o gran labor" do banco de alimentos polos máis desfavorecidos
Por E.P. | SANTIAGO DE COMPOSTELA | 13/11/2019 | Actualizada ás 14:58
Mercadona doou este mércores á Federación Galega de Bancos de Alimentos (Fegaban) máis de 3.200 quilos de produtos de primeira necesidade. Nun comunicado, Mercadona informa de que usou a súa rede loxística para achegar a doazón ao almacén que o banco de alimentos de Santiago de Compostela ten no Polígono do Tambre.
Ambas as entidades teñen un convenio desde 2012, polo cal a cadea de supermercado doou alimentos durante os últimos sete anos. Na entrega estiveron presentes José Pita, como representante da Federación, e a xerente de Relacións Externas de Mercadona en Galicia, Mariña Rivas.
Pita agradeceu a Mercadona "o seu continuo apoio e solidariedade" con esta entidade, mentres Rivas recoñece "o gran labor" do banco de alimentos polos máis desfavorecidos. A través de diferentes accións solidarias, Mercadona doou en 2018 máis de 710 toneladas de alimentos a varias entidades benéficas e comedores sociais da comunidade.
A Federación Galega de Bancos de Alimentos é unha organización independente sen ánimo de lucro baseada no voluntariado e cuxo obxectivo principal é a consecución e aproveitamento dos alimentos excedentarios con intención de facelos chegar aos centros asistenciais, e a través deles ás familias e ás persoas necesitadas.
