Por E.P. | SANTIAGO DE COMPOSTELA | 13/11/2019 | Actualizada ás 16:57
Unha marcha de representantes sindicais rodeou este mércores a sede compostelá da Xunta de Galicia en San Caetano para esixir a redución do horario lectivo do profesorado anterior aos recortes da crise económica, é dicir, o regreso aos 18 períodos semanais en secundaria e 21 en primaria.
Esta protesta supón o arranque da campaña de mobilizacións impulsada de forma unitaria polos sindicatos de Educación, despois de que a Xunta rexeitase recuperar este horario aos docentes sen o financiamento correspondente por parte do Goberno central.
Delegados sindicais de CIG-Ensino, CC.OO.Ensino, ANPE, e FeSP-UXT protagonizaron esta protesta en Santiago de Compostela, que concluíu nunha concentración ante a sede da Consellería de Educación, Universidade e Formación Profesional.
O seguinte paso está previsto para o próximo 21 de novembro, data na que se celebrarán concentracións no sete cidades galegas e continuando a campaña de mobilizacións que desembocará nunha folga "para recuperar a dignidade do profesorado e do ensino público", o 12 de decembro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.