Dous incendios en locais de Pontevedra en menos de 24 horas
O segundo deles obrigou a desaloxar o edificio.
Por E.P. | PONTEVEDRA | 16/11/2019 | Actualizada ás 17:22
Un incendio nun establecemento comercial en Pontevedra obrigou a desaloxar este sábado un edificio na Rúa da Peregrina, segundo informa o 112.
O lume provocou danos materiais pero non hai feridos. É o segundo incendio nun local comercial en Pontevedra en menos de 24 horas, o primeiro tivo lugar na rúa Benito Corbal na noite do venres e tampouco houbo danos persoais.
Ás 12,30 horas varios particulares chamaron para alertar de que saía fume do interior dun local no baixo dun edificio. Os veciños puideron abandonar o inmoble.
Ata o lugar desprazáronse, entre outros, unha dotación dos bombeiros de Pontevedra para traballar na extinción, Foron avisados Policía Local e Protección Civil.
