Denuncian que o hospital da Coruña estuda "situar aos pacientes nun corredor de saída á rúa" polo colapso

A Comisión de Centro de Atención Especializada da área de Xestión Integrada da Coruña denunciou á existencia dunha situación de "colapso" no servizo de urxencias do Hospital Universitario da Coruña.

Nun comunicado, asegura que "aínda que non comezou o 'pico da gripe', a situación actual é tan crítica" que se estuda "por parte da xerencia situar aos e as pacientes nun corredor de saída á rúa que nunca foi utilizado para tal fin".

Do mesmo, afirman que está "nunhas condicións non adecuadas para a atención dos pacientes, sen medios estruturais, con correntes de aire, sen un lugar de saída de pacientes, familias ou persoal", engade.

Para a Comisión de Centro, está situación obedece "á falta de previsión" por parte da xerencia. "A saturación do servizo non é un feito illado", sostén nun comunicado no que indica que é "habitual dispor aos pacientes en corredores dentro do servizo de urxencias, algo intolerable desde o punto de vista do dereito á intimidade e a dignidade" dos enfermos.

Por outra banda, incide en que "ano tras ano", reclaman un plan de continxencia "que realmente evite chegar a esta situación". En concreto, solicitan a inclusión no mesmo de "medida efectivas", entre as que inclúe "a habilitación de espazos adecuados que poidan paliar a saturación do servizo e eviten a localización de pacientes en corredores".

SITUACIÓN "NORMALIZADA"

Sobre esta denuncia, desde o centro explicouse que no transcurso da tarde deste martes e esta pasada noite "produciuse un aumento da demanda na atención a pacientes no servizo de urxencias do hospital moi por encima do habitual".

Con todo, precisaron a Europa Press que ao longo da mañá de ete mércores "canalizouse de forma óptima toda esta actividade". Tamén aseguraron que o servizo de urxencias volveu nestes momentos "á normalidade".

Hospital Universitario da Coruña. CIG - Arquivo | Fonte: Europa Press