Por Europa Press / Redacción | SANTIAGO DE COMPOSTELA | 24/11/2019 | Actualizada ás 18:58
Un grupo de mulleres da asociación feminista galega ATAEGA realizou unha escenografía artística na Praza da Quintana de Santiago este domingo ao disfrazarse de princesas Disney e reivindicar a loita contra a Violencia de Xénero.
O obxectivo desta iniciativa pasa por mostrar como a idea do amor romántico que se mostra nestas películas é tamén unha "fonte de violencia machista".
Con esta actuación o colectivo denuncia que baixo estas historias de amor coas que crecen os nenos e nenas de hoxe en día, agóchase unha "xustificación da violencia machista" e un papel da muller "lonxe do igualitario".
Esta reivindicación súmase a outras realizadas por outros colectivos e entidades con motivo do Día Internacional contra a Violencia de Xénero, o 25 de novembro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.