Morre un cazador ao disparárselle a escopeta
O suceso produciuse en Chandrexa de Queixa.
Por Europa Press / Redacción | SANTIAGO DE COMPOSTELA | 24/11/2019 | Actualizada ás 19:21
Un home faleceu despois de que unha escopeta de caza se lle disparase de forma accidental na tarde deste domingo, no municipio ourensán de Chandrexa de Queixa.
O home era cazador e atopábase no alto dos Chaos, na parroquia de Requeixo, cando ocorreron os feitos. Foi ás 16,00 horas da tarde o momento no que o 112-Galicia recibiu o aviso do que pasara.
En concreto, un dos seus compañeiros, tamén cazador, chamou aos servizos de emerxencias e, nada máis ter constancia do sucedido, solicitouse a intervención de Urxencias Sanitaria de Galicia-061, de Protección Civil da localidade, do GES de Castro Caldelas e da Garda Civil.
Unha vez no lugar, os servizos médicos esforzáronse por salvar a vida ao home, pero nada puideron facer respecto diso.
