O Concello de Santiago vístese de negro fronte ao machismo e defende a educación como método contra a violencia

O Concello de Santiago vístese de negro como "símbolo de loito, pero tamén de loita", contra o machismo e protagonizou unha concentración á que acudiron decenas de profesores, pais e alumnos dos centros da comarca para defender a educación como vía para erradicar a violencia. 

Este 25 de novembro conmemórase o Día Internacional da Eliminación da Violencia contra a muller e Santiago retomou a campaña 'Compostela en Negro', cun programa de accións divulgativas e de sensibilización dirixidas, especialmente, ao sector empresarial, os centros educativos e as parroquias rural.

A concelleira Noa Díaz iniciou este luns a lectura dun manifesto subscrito por todas as forzas políticas da corporación compostelá. Díaz sinalou que a normativa vixente advirte que a violencia machista implica "calquera acto de agresión" nun marco de dominación do home fronte á muller, ben sexa física, sexual, verbal ou de coaccións para privala da súa liberdade.

Goretti San Martín, do BNG, lembrou a "Sandra, María Elena ou Mari Carmen", todas elas "asasinadas este ano en Galicia", e ás que hai que sumarlles "48 mulleres máis, unha mesma hoxe, esta madrigada en Santa Cruz de Tenerife". A concelleira apelou á "rabia e o desconsuelo" que permite seguir avanzando neste camiño e que lles empuxa a "vestir de negro como símbolo de loito, pero tamén de loita".

"O asasinato é a última e máis extrema das violencias machistas, pero son moitas outras en moi diferentes formas as que rodean e perseguen ás mulleres", engadiu Marta Lois, de Compostela Aberta, referíndose a os casos de explotación, acoso, transfobias... e violencias que sofren "polo simple feito de ser mulleres". A iso sumou a "dobre agresión" que sofren as vítimas de violacións en grupo, dentro dun sistema de protección penal que a miúdo non parece xusto nos termos de situacións de indefensión ante os agresores.