Arrincan e abandonan a 400 metros un caixeiro automático

A Garda Civil trata de dar coas persoas que na madrugada deste mércores arrincaron un caixeiro autonómico dunha sucursal de Abanca en Vilardevós (Ourense) e abandonárono a uns 400 metros.

Segundo informou o instituto armado, foi o director de seguridade de Abanca quen denunciou os feitos no cuartel de Riós e explicou que ás 2,45 horas tivo coñecemento de que soara a alarma nesta oficina.

Ao comprobar que pasara, conforme sinalou a Garda Civil, observou como varias persoas descoñecidas causaban danos na sucursal levándose o caixeiro, que foi abandonado a 400 metros nunha cuneta. A Garda Civil investiga os feitos e trata de dar cos presuntos autores.

Caixeiro automático arrincado dunha sucursal de Vilardevós (Ourense). GARDA CIVIL