Cogami lanza unha campaña en Santiago para visibilizar a discapacidade orgánica
"Buscamos socializar á discapacidade orgánica, concienciar á poboación sobre a súa existencia e promover á inclusión", apunta.
Por E.P. | SANTIAGO DE COMPOSTELA | 27/11/2019 | Actualizada ás 18:58
Cogami presentou este mércores en Santiago unha campaña para visibilizar a discapacidade orgánica, que afecta a pacientes que teñen algún dos seus órganos internos danados, polo que a súa enfermidade non se aprecia a primeira ollada.
O lanzamento do símbolo da "discapacidade que non se ve" tivo lugar de maneira simúltanea en 41 cidades españolas, entre elas a capital galega. O lugar elixido para o arranque da campaña foi a entrada do Complexo Hospitalario Universitario de Santiago (CHUS), onde representantes das distintas asociacións e federacións que compoñen Cogami montaron un punto informativo sobre a discapacidade orgánica.
O obxectivo é difundir as problemáticas ás que se enfronta as persoas que padecen discapacidade orgánica, cuxas alteracións pasan desapercibidas pola poboación ao darse no interior dos seus corpos.
"Este símbolo responde á invisibilidade, a incomprensión e a falta de recoñecemento ás que teñen que facer fronte as persoas con discapacidade orgánica no seu día a día", expresou o membro de Alcer Alfredo Saborido, encargado de ler un manifesto.
"Con este símbolo buscamos socializar á discapacidade orgánica, concienciar á poboación sobre a súa existencia e promover á inclusión e o empoderamiento das persoas con este tipo de discapacidade", subliñou.
