O Concello de Verín critica a "gravísima deterioración" da sanidade pública galega e pide a "supresión dos recortes"
A denuncia chega logo de que o Sergas decidisepechar o paritorio do hospital verinés.
Por Europa Press / Redacción | SANTIAGO DE COMPOSTELA | 28/11/2019 | Actualizada ás 19:51
O goberno municipal de Verín (Ourense) emitiu este xoves unha declaración na que alerta do "gravísimo deterioración" da sanidade pública na localidade e reclama á Xunta a "supresión dos recortes" aplicados, entre eles o peche do paritorio do seu hospital.
Segundo recolle a declaración, esta "deterioración" da sanidade pública no municipio é "resultado dos severos recortes e privatizacións" aplicados.
"Nos últimos anos, no noso Hospital Público de Verín se foron aplicando paulatinamente recortes que levaron a unhas consecuencias tremendas: masificación de consultas, cotas desbordadas, redución de profesionais, non substitución dos mesmos, listas de espera amplísimas ou peche de axendas", denuncia o texto.
Finalmente, destacan, o anuncio por parte da xerencia da área do peche do paritorio do Hospital de Verín e das urxencias pediátricas a partir do 1 de decembro "supón privar ao Concello e á comarca dun servizo fundamental".
Por iso, condenan a "política de recortes" nesta materia, en particular o peche do paritorio, que "condena ás mulleres" de Verín a "non ter unha calidade asistencial de proximidade". Do mesmo xeito, esixen á Xunta "unha mellora dos servizos sanitarios" do concello, "pedindo a supresión dos recortes efectuados e defendendo novas melloras".
